Tensionet në “Big Brother VIP Albania” kanë arritur një pikë të lartë, këtë herë duke shpërthyer drejtpërdrejt në studio.
Në një moment të fortë, Rogerti iu drejtua moderatorit Ledion Liço me kritika të hapura, duke vënë në diskutim mënyrën se si ai ka drejtuar spektaklin.
“Ti je moderator, por ke shprehur më shumë opinione se vetë opinionistët,” u shpreh ai, duke lënë të kuptohet se, sipas tij, roli i moderatorit nuk ka qenë plotësisht i paanshëm.
Rogerti shtoi se kjo qasje mund të ketë ndikuar edhe në mënyrën si publiku e ka perceptuar atë gjatë lojës, duke reflektuar drejtpërdrejt në mbështetjen që ka marrë.
Ky moment ka nxitur reagime të menjëhershme në rrjetet sociale, ku opinioni publik është ndarë: një pjesë e mbështet deklaratën e tij, ndërsa të tjerë e shohin si të pabazuar.
