Sezoni i verës për shumë familje do të thotë plazh, udhëtime dhe relaksim, por për partnerët e artistëve gjërat funksionojnë pak më ndryshe.
Ish-banorja e njohur e Big Brother VIP Albania, Sara Gjordeni, ka ndarë së fundmi me ndjekësit e saj në rrjetet sociale një reagim plot humor rreth vështirësive të vogla që sjell të qenit në një lidhje me një këngëtar gjatë muajve të nxehtë.
Përmes një postimi, Sara ka treguar se ndërsa shumica e njerëzve shijojnë pushimet verore atëherë kur temperatura arrin kulmin, asaj i duhet të tregohet pak më e durueshme. Ajo bëri me dije se duhet të presë përfundimin e të gjitha angazhimeve të ngjeshura muzikore dhe koncerteve të partnerit të saj, Bardhit, të cilat zgjasin deri në shtator.
Megjithëse agjenda e ngjeshur e Bardhit i mban paksa larg pushimeve traditionale të korrikut e gushtit, reagimi i Sarës u mirëprit me mjaft sportivitet e batuta nga ndjekësit e saj në rrjet.
