Një debat i ri ka shpërthyer së fundmi rreth raportit mes Adion Puka dhe familjes së Olës, duke sjellë reagime të shumta në rrjetet sociale.
Gjithçka nisi pas deklaratave të Adionit, i cili tha publikisht se kishte pasur komunikim me familjarët e Olës dhe la të kuptohej se raporti mes tyre ishte parë më pozitivisht pas përfundimit të eksperiencës në Ferma VIP.
Megjithatë, pas këtyre deklaratave ka ardhur një reagim i drejtpërdrejtë nga ana e familjes së Olës, e cila ka mohuar kategorikisht që të ketë pasur ndonjë kontakt me Adionin apo familjarët e tij.
Në reagimin publik thuhet se nuk ka ekzistuar asnjë komunikim dhe se pretendimet e bëra janë të pavërteta.
“Ky është lajm i rremë… nuk ka pasur asnjë kontakt,” është shprehur familja, duke sqaruar qëndrimin e saj ndaj situatës.
Më tej, ata kanë theksuar se nuk kishin dëshirë të bëheshin pjesë e debatit publik, por u ndjenë të detyruar të reagonin pas përmendjes së emrit të tyre në deklaratat që qarkulluan në media dhe rrjete sociale.
Kjo situatë ka nxitur diskutime të shumta mes ndjekësve të formatit, të cilët po komentojnë mbi atë që mund të ketë ndodhur realisht larg kamerave dhe mbi vërtetësinë e deklaratave të bëra nga palët.
Tani mbetet për t’u parë nëse do të ketë një reagim tjetër nga Adion Puka apo nëse kjo çështje do të mbyllet me kaq.
