Fituesi i Big Brother VIP Albania 2, Luiz Ejlli, do të rikthehet së shpejti në ekranin e Top Channel me një projekt të ri televiziv.
Gjatë një pjese në emisionin “Fiks Fare”, ku u ngacmua nga Jul Deda dhe Xhemi Shehu, këngëtari zbuloi detajet e para mbi formatin që do të drejtojë. Ndryshe nga aludimet se emisioni mund të transmetohej çdo ditë, Luizi sqaroi se bëhet fjalë për një program javor.
“Unë do filloj një projekt që e kam pas gjithmonë ëndërr ta bëj. Do jetë njëherë në javë, të premten në darkë”, është shprehur ai.
Pavarësisht se detajet e mëtejshme mbi përmbajtjen e këtij formati po mbahen ende diskrete, konfirmimi zyrtar nga vetë Luizi ka ngritur menjëherë kureshtjen e publikut për rikthimin e tij në ekran.
