Dinamikat brenda “Ferma VIP” po bëhen gjithnjë e më të ndërlikuara dhe intriguese, sidomos pas tensioneve të fundit mes dy këngëtareve të njohura, Soni Malaj dhe Jonida Maliqi.
Pas një atmosfere të ftohtë që u ndje mbrëmjen e kaluar, Ilir Shaqiri vendosi të mos qëndrojë indiferent dhe të ndërhyjë drejtpërdrejt për të kuptuar më qartë situatën mes tyre.
Gjatë një bisede në ambientet e shtëpisë, ai i kërkoi Sonit të shprehej hapur për marrëdhënien me Jonidën, duke lënë të kuptohet se qetësia e saj nuk e kishte bindur plotësisht.
Nga ana e saj, Soni e mohoi prerë ekzistencën e çdo problemi, duke theksuar se nuk ka asnjë përplasje me kolegen dhe se, përkundrazi, ishte ndjerë e lumtur për praninë e saj në format.
“Dil atje ku do të dalësh, çfarë mendon për Jonidën se unë nuk e kuptoj këtë fërkim që keni mes jush,” iu drejtua Iliri.
Soni u përgjigj: “Unë nuk kam asnjë lloj fërkimi, aspak. Madje…”
Iliri ndërhyri: “Nuk m’u duk kështu mbrëmë.”
Soni vijoi: “Kur më ka pyetur produksioni, kam thënë ‘Sa mirë, sepse do kem një person të njohur dhe me të cilin mund të këndoj’.”
Iliri shtoi: “Siç kam thënë unë për ty dhe për Jonidën.”
Soni përfundoi: “Unë nuk kam pasur përplasje me askënd, as gjatë kohës kur kam qenë në Dancing.”
Edhe pse përgjigjja e Sonit ishte e qartë dhe e prerë, duke u mbështetur edhe te eksperiencat e saj të mëparshme për të treguar natyrën e saj të qetë, Iliri duket se ende nuk është plotësisht i bindur.
Tashmë mbetet për t’u parë nëse kjo situatë do të zhvillohet më tej dhe nëse tensioni i përfolur do të reflektohet edhe në ditët në vazhdim brenda fermës.
