Edhe pse aventura në Big Brother VIP Albania ka përfunduar prej kohësh, debatet dhe raportet mes ish-banorëve vazhdojnë të tërheqin vëmendjen e publikut.
E ftuar në panelin e Goca dhe Gra, fituesja e këtij edicioni, Selina, u pyet rreth një videoje që u bë virale në rrjet. Ajo pranoi se e kishte parë dhe reagoi pa hezitim, me një deklaratë të drejtpërdrejtë dhe me nota ironie ndaj ish-konkurrentit Rogert.
Qëndrimi i saj u interpretua si një sinjal i qartë se ajo është duke vazhduar përpara me jetën dhe sukseset e saj, ndërsa, sipas saj, të tjerë po përpiqen të përfitojnë nga emri dhe imazhi i saj për të tërhequr vëmendje.
Gjatë bisedës, moderatorët e pyetën gjithashtu nëse kishte menduar të ndiqte çështjen në rrugë ligjore. Selina u shpreh se kjo ide i është sugjeruar shpesh nga persona të afërt, por ajo ka zgjedhur një qasje tjetër.
“Shumë njerëz më kanë thënë ta hedh në gjyq, por unë kam një mënyrë tjetër. Unë besoj shumë në Zot — nëse nuk ia kthej unë, ka një Zot lart.”
