Mbrëmja festive në “Ferma VIP” u kthye në një natë plot emocione dhe surpriza për banorët, pasi disa nga ish-konkurrentët u rikthyen në fermë për të kaluar momente të veçanta me finalistët.
Mes të rikthyerve ishte edhe Adioni, i cili sapo hyri në ambientet e fermës tërhoqi menjëherë vëmendjen e Mozës. Ajo u afrua pa hezitim për ta përshëndetur dhe për të shkëmbyer disa fjalë me të.
Por gjatë bisedës së tyre ndodhi një moment i papritur që askush nuk e priste.
Adioni e pyeti Mozën nëse ishte ndjerë e mërzitur pasi ai ishte fejuar. Pa shumë mendim, Moza iu përgjigj shkurt dhe sinqerisht:
“Po.”
Kjo përgjigje shkaktoi reagime të menjëhershme dhe buzëqeshje mes të pranishmëve, duke e kthyer situatën në një moment të sikletshëm, por edhe të diskutueshëm. Megjithatë, Adioni nuk e la me kaq.
“S’ka problem, se të pres jashtë, je dashuria ime,” i tha ai Mozës, duke lënë të habitur banorët që po e ndiqnin bisedën.
Ky moment u komentua menjëherë nga fermerët e tjerë dhe po qarkullon gjerësisht në rrjet, ku ndjekësit po diskutojnë nëse ishte thjesht një batutë mes tyre apo një deklaratë me kuptim më të thellë.
Ndërkohë, videoja e këtij takimi është shpërndarë me shpejtësi në rrjetet sociale dhe është kthyer në një nga momentet më të komentuara të mbrëmjes në “Ferma VIP”.
