Lidhja e tyre nisi nën dritat e reflektorëve, por sot Einxhel Shkira dhe DJ Dagz (Arbër Gumnishtja) janë një nga çiftet më të qëndrueshme dhe më të dashura për publikun shqiptar. Ditën e sotme, Dagz feston ditëlindjen, dhe siç pritej, vëmendjen më të madhe e ka marrë urimi super romantik i moderatores së njohur.
Përmes një postimi tejet emocional në llogarinë e saj në Instagram, ku ndau disa nga momentet e tyre më të bukura së bashku, Einxhel i ka shprehur partnerit të saj dashurinë në formën më të pastër. Fjalët e saj kanë bërë xhiron e rrjetit brenda pak minutave.
”Gëzuar ditëlindjen njeriu që më ndryshoi jetën dhe më dha dhuratën më të bukur. Do të të dua në çdo jetë!”, ka shkruar Einxhel, duke treguar se lidhja e tyre sa vjen e bëhet më e fortë.
Nga “Big Brother” në një familje të lumtur
Kujtojmë se dyshja u njohën dhe u dashuruan gjatë qëndrimit të tyre në formatin “Big Brother VIP”. Edhe pse shumë skeptikë mendonin se romanca e tyre do të përfundonte me mbarimin e shout, Einxhel dhe Dagz vërtetuan të kundërtën.
Sot, ata janë prindër të një djalri të quajtur Trev, i cili ka ardhur si fryt i kësaj dashurie të madhe dhe shpeshherë është kryefjala e postimeve të tyre plot ëmbëlsi në rrjetet sociale.
Fansat “shpërthejnë” në urime
Postimi i moderatores u vërshua menjëherë nga mijëra pëlqime dhe komente të shumta nga miqtë e çiftit, personazhet VIP të showbizit dhe fansat e shumtë, të cilët i urojnë dyshes jetë të gjatë dhe plot lumturi pranë njëri-tjetrit.
