Një situatë e rëndë është shënuar në Big Brother VIP Albania, ku tensionet mes finalistëve duket se kanë kaluar çdo kufi të pranueshëm.
Gjatë një përplasjeje të fortë, Rogerti iu drejtua Mateos me një deklaratë që ka tronditur publikun, duke përdorur tone kërcënuese dhe duke përfshirë edhe familjen në fjalët e tij.
“Kam me të ardh me familjen time te palestra, pasha këtë kryq,” – është shprehur ai, një frazë që është konsideruar gjerësisht nga ndjekësit si e papërshtatshme për një format televiziv të këtij niveli.
Pamjet u shpërndanë me shpejtësi në rrjetet sociale, duke sjellë një valë të madhe reagimesh dhe thirrje që produksioni të ndërhyjë menjëherë.
Shumë komentues kanë kërkuar masa ndëshkuese, madje edhe dërgimin e një “Zarfi të Zi”, duke theksuar se deklarata të tilla nuk duhet të tolerohen, veçanërisht në një fazë kaq të avancuar të lojës.
Ndërkohë, gara ka hyrë në fazën finale, me vetëm katër konkurrentë të mbetur, ndërsa finalja e madhe pritet të zhvillohet më 18 prill, ku do të shpallet fituesi.
Tashmë mbetet për t’u parë nëse produksioni i Big Brother VIP Albania do të marrë masa pas këtij episodi dhe nëse Rogerti do të përballet me pasoja për deklaratat e tij.
